مشروع انشاء كوبري بين كوكب الارض وكوكب المريخ !!!!!
صفحة 1 من اصل 1
مشروع انشاء كوبري بين كوكب الارض وكوكب المريخ !!!!!
بدون مقدمات !!!!
هوا اللى يزهئ من مراته يعمل ايه ؟ يتجوز واحده تانيه
واللى يزهئ من شغله يعمل ايه ؟ يشتغل شغله تانى
واللى يزهئ من كوكب الارض كله يعمل ايه ؟ يروح كوكب تانى صح !!!! ؟
طب ازاااااااااااااااااااااى !!!!!!؟
انا هقولكم ازى
والله من واقع خبرتى المحدوده فى عالم الكواكب اكتشفت حاجه غريبه جدا جدا
طبعا هتقولو ايه الحاجه اللى انتا اكتشفتها يا ( بروفيسير مسطول ) ؟
اكتشفت ان كوكب الارض جمبه علطول وانتا ماشى ع اليمين كوكب اسمه كوكب المريخ !!!!!
فخطرت فى بالى فكره جهنميه
طبعا هتقولولى ايه هى الفكره الجهنميه يا ( بروفيسير مسطول ) ؟
الفكره هى انا فكرت اعمل كوبري من كوكب الارض الى كوكب المريخ
طبعا هتقولولى فى مشكله يا ( بروفيسير مسطول )
هقولكم انا عارف ايه هى المشكله
المشكله ان الكوبري هيتكلف فلوس اكتر من كتير اوى اوى اوى صح ؟؟
حل المشكله احنا لو اخدنا من كل فرد على كوكب الارض 3 جنيه مش حيحصلهم حاجه الناس مش هتموت من الجوع لما كل واحد يدفع 3 جنيه صح ؟
طبعا لو احنا عملنا كده هنجمع مبلغ كبير جدا لا حصر له ونشوف الدول اللى مش بتتعامل بالجنيه وناخد منهم 3 عملات برضو ونحولهم من الصرافه
علشان انا لو كنت عديت هنحصر كام كنت خلصت الموضوع ده السنه القادمه زى الوقتى كده الساعه 1:20 فانا قلت بلاش يا واد اصدى بلاش يا ( بروفيسير مسطول ) سيبهم ببركتهم علشان محدش يغمى عليه
طبعا هتقولولى فى مشكله تانيه يا ( بروفيسير مسطول )
هقولكم انا عامل حسابى برضو
المشكله ان كوكب المريخ مافيهوش هواء
اللى هيروح هناك هيموت ويبقى كل اللى احنا عملناه ده عملناه ع الفاضى
انا فكرت فى فكره عظيمه جدا
الفكره ان احنا نشتري اسطوانه كبيره بس مش اسطوانه دى فى دى 4 جيجا بتاعه الكمبيوتر لالالالالالالالالالالالا انتو فاهمين غلط
لا اسطوانه حاجه مدوره كده مفتوحه من الجمبين شبه امبوبه البوتاجاز بس كبيره اولها فى كوكب الارض واخرها فى كوكب المريخ
وقطرها يتراوح ما بين 90 0 متر هنعملها عند عم ( سعيد )
وهنعملها شفاط كبير اوى برضو عند ( توشيبا العربى صناع الثقه )
وهنعمل الاسطوانه عموله والشفاط برضو عموله بس طبعا الحاجات دى مش هنعملها بلاستيك لالالالالالا هنعملها حديد او فولاز علشان فى نيران بتحصل فوق ممكن تسيح البلاستيك
وطبعا هتقولو فى مشكله يا ( بروفيسير مسطول )
هقولكم عارف
المشكله ان لو احنا شفطنا الهوا اللى على كوكب الارض مش هيبقى فى هوا على كوكب الارض
هيبقى كله على كوكب المريخ هقولكم لالالالالالا
احنا هيبقى معانا البتاع اللى بتبقى عند بتاع الكاوشتات اللى بيقيسو بيها الهوا فى العجله علشان نقيس الهوا اللى فى الكوكب ده والهوا اللى فى الكوكب ده
بس فى حاجه انتو ما فكرتوش فيها انا هقولكم عليها
الاسطوانه دى هتتحط اولها فين ؟
هقولكم انا فكرت كتير اوى ورسيت على قرار
احنا هنحط اول الاسطوانه فى الصحراء
انا كنت بفكر احط اول الاسطوانه فوق السطح بتاع بيتنا بس قولت لا
ممكن تلاقى عيل صغير واقف فى الشباك يتشفط مع الهوا ويبقى فى عيل صغير راح المريخ ببلاش !!!!!
يبقى الناس بقالها اكتر من 50 قرن عايشين فى كوكب الارض واللى بيروح كوكب المريخ بيدفع دم قلبه وده يروح كده بلوشى لالالالالا
وبكده يكون مشروع بناء كوبري بين كوكب الارض والمريخ انتهى بس لو حطينا ايدنا فى ايد بعضنا
ومن غير كباري لو حطينا ايدنا فى ايد بعضنا البلد هتكون فى احسن حال والله
وعلى فكره الموضوع كده لسه ما خلصش
انتظرونى فى فكره مشروع انشاء نفق بين كوكب المريخ وكوكب الارض
عفوا هذا الكاتب فاطس من الضحك
مع تحيات بروفيسير مسطول
مع بروفيسير مسطول مش هتقدر تغمض عينيك
عفوا هذا الكاتب فاطس من الضحك
الطائر الحزين- مشرف قصائد و اشعار
مواضيع مماثلة
» محمود الدين يعلن انشاء مجلس اعلى للغزل والنسيج
» حصري البرنامج الرائع فى انشاء وتحرير المستندات Softmaker Office v2008.503 بحجم 47 ميجا
» حصري البرنامج الرائع فى انشاء وتحرير المستندات Softmaker Office v2008.503 بحجم 47 ميجا
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى