التطور الطبيعي للام

من طرف **Hero** الأحد مايو 03, 2009 11:37 pm

التطــور الطبيــعى للأم
الملابس
الطفل الأول: تلبس هدوم الحمل من أول لما تعرف إنها حامل
الطفل الثاني: تحاول تلبس هدومها العادية لأطول فترة ممكنة
الطفل الثالث: هدوم الحمل هي هدومها العادية اليومية

الإعداد للطفل
الطفل الأول: كل دقيقة تغيير للطفل .. وتحاول تخلي ريحته حلوة
الطفل الثاني: كل ثلاث ساعات
الطفل الثالث: لما ريحته تطلع

القلق
الطفل الأول: من أول خبطة تجري عليه و تشيله
الطفل الثاني: تشيله لو حست أن خلاص فيه عربية حتخبطه
الطفل الثالث: أحسن..علشان تتربي... خلي العربية
تدوسك

الأكل
الطفل الأول: ترمي أي حاجة تقع على الأرض
الطفل الثاني: تغسلها بشوية مية ‎
الطفل الثالث: تمسحها فى هدومها

الفسح
الطفل الأول: الملاهي... المراجيح..النادي
الطفل الثاني: النادي
الطفل الثالث : السوق

الخروج
الطفل الأول: تسيبه مع أختها و تتصل تطمئن عليه كل خمس دقائق
الطفل الثاني: تسيبه مع أختها... و هي على الباب تفتكر تسيب رقم التليفون
بتاع المكان اللي هي رايحاه
الطفل الثالث: تسيبه مع أي حد.. مع تحذير بان محدش يتصل بيها إلا في حالة
يكون في الموضوع دم

في البيت ‎
الطفل الأول: كل دقيقة تتفرج على ابنها وهو نايم
الطفل الثاني: من وقت للتاني تتأكد إن الكلب مأكلش ذراع الولد
الطفل الثالث: تستخبى منهم على قد ما تقدر

لو بلع قرش
الطفل الأول : تطلب عمل أشعة للولد
الطفل الثاني: تقلق شوية عليه ، وتستنى وتشوف هيبلع الفلوس ويهضمها ولاَّ
الطفل الثالث: تخصمه من مصروفه

kiss

من طرف **ahmed ramzy** الثلاثاء مايو 05, 2009 10:54 pm

ههههههههههههههههه
حلوه اوى يا اسلام ايوه كده ابعد عن الكوره خليك حلو مع العلم انك كان المفرود تاكد انها دعابه على الرغم من انها حاجه معروفه بس برده كان لازم تاكد على كده لانك بتتكلم عن الام يعنى حاجه كبيره جدا
ومره تانى جااااااااااامده وحلوه جدااااااا

من طرف **Hero** الثلاثاء مايو 05, 2009 11:56 pm

شكرااااااا على ردك يا رمزى
والموضوع طبعا دعابة و الدليل انه محطوط فى
منتدى يلا نضحك

التطور الطبيعي للام

التطور الطبيعي للام

رد: التطور الطبيعي للام

رد: التطور الطبيعي للام