الزوجة المجنونة

من طرف **Hero** الأربعاء أبريل 01, 2009 7:13 am

واحد كان راكب عربيته ومعاه مراته

فجأة شاف في المرايه عسكري المرور

قاعد يشاور له وقف الراجل سيارته وجه الشرطي
الراجل سأله: ايه المشكلة ؟

الشرطي:انت كنت سايق بسرعة فوق ال180 كيلو في الساعة

والطريق سرعته القصوى 60 كيلو في الساعة

عشان كدا انا هديك مخالفة .

الرجل : لا معليش أنا كنت متعدي ال60 بشويه صغيره .

زوجته : لاإنت كنت ماشي على الاقل 160 .

قام الراجل باصص لمراته من فوق لتحت بغيظ.

الشرطي : وبرده هديك مخالفة علشان الفانوس الخلفي المكسور .
الرجل : مكسور ؟؟ أنا ماكنتش اعرف أنه مكسور .

الزوجة : أووه إنت كنت عارف ان اللمبة مكسورة من كم أسبوع وانا قلت وانت نفضت صحححححح!!!!

وبص لها زوجها بصه بغيظ ثانية .

الشرطي : و مخالفة عن عدم ربط حزام الامان .

الرجل : إيه ! ! أنا فكيته لما وقفت السيارة وجيت عندنا .

الزوجة : لالالاأنت عمرك ما ربطت حزام الامان .

بص الراجل لمراته و زعق فيها : إنتي ما تعرفيش
تسكتي أبدا؟؟

سأل الشرطي الزوجة : لو سمحتي هو دايما يزعق فيكى كدا؟؟

الزوجة : لا بس لما يكون سكران .

الشرطي : سكران !!

الرجل : لا لا متصدقهاش دي مره مجنونة ..

الزوجة: معليش اصلو شرب الزجاجة الى كانت فى العربية لما سرقناها

الشرطي : يعني السيارة مسروقة .

الرجل : مسروقة ايه بس يا باشا و يبص لمراته و الدم بيغلى ف نافوخه دي مجنونة والله
ويقول
شكلك عوزانى اطلقك .

الشرطي للزوجة : هو دايما يهددك كده بالطلاق .

الست : مش لما يتجوزني الأول يبقى يطلقني
الراجل : والله ياباشا دي مجنونة واتكتب لها علي خروج بدري