شكرى الحساس دخل الجامعة يا ناس

من طرف **Hero** الأربعاء أبريل 01, 2009 6:22 am

الموضوع مش منقول طبعا ومن تأليفي (حقوق التأليف محفوظة )
وكل واحد بعد كدا هايدفع 5 جنيه مش يدخل يقرأ ببلاش

يوميات شكري في الجامعة

المكان / جامعة القاهرة , كلية تجارة
الزمان / أول يوم في الكلية

أمام الكلية

شكري الحساس :
أيه دا هي دي الجامعة دي سورها عالي قوي الواحد كدا مش هايعرف يكت من الحصص المدرسة أرحم وكمان في شورطة ( أخرة التعليم المجاني بيقول شورطة مش شرطة )
يا نهار أبيض لو أتقفشت هاخد ضرب ومش بعيد يقلبوني بقى
يارب عديها على خير

وياترى بقى المدرسيين والأبلوات زي بتوع المدرسة ولا أخنق ( حلوه أبلوات )
هايطلعوا زي أستاذ علي بكاكا ولا أستاذ سيد حابه
وهايطلبوا مننا كام كشكول مش هاجيب
ولو جبت مش هاجيب جلاد مش بحب الجلاد الأحمر دا ( فعلا طالب جامعي)

يلا هانعرف يا خبر بفلوس بعد شويه هايبقى بسندوتيش طعمية

أمام الكلية
يا نهار أبيض دي كلها مباني كبير أمال فين الفصول
دي أد المدرسة بتاعتنا وبيت أم مديحة وعزبة أبو محمد الي جنب المدرسة

شكري الحساس : لو سمحت يا أبو شباب
طلعت : نعم في حاجه ولا أيه
شكري الحساس : مالك مخشب كدا خليه حلو علشان أحبك . بقلك هو فين جدول الحصص
طلعت : جدول حصص قصدك جدول المحاضرات
شكري الحساس: محاضرات هي أسمها محاضرات ماشي يلا مش هاتفرق سوسو من أم ابراهيم

طلعت : هو حسب المجموعة كل المجموعات هناك عند مدرج أ
شكري الحساس: منا مش عارف مجموعة أيه ومدرج أيه هو المبنى أسمه المدرج هي باينه من أولها

طلعت : أسمك أيه
شكري الحساس : أخوك شكري شاكر مشكور
طلعت: يبقى مجموعة ح هتلاقي الجدول هناك بردو
شكري الحساس : شكري يا مان نخدمك كدا يوم فرحك

عند المدرج (أ)

شكري الحساس: الله يكرمك يا مان واحد جدول أولى ح بس يكون كدا بالشطة وياريت تكتر التحينه (واقف عند محل فول وطعمية لا وأسمها تحينه )

يا نهار أبيض أيه دا 4 أيام بس طيب كويس ونكت يومين يبقى كدا قشطاط بالفيروز وعيشه سبانخ (مش عارف واقف في مطبخ) كلوا في الدهاليز

يلا نلحق ندخل ونشوف أيه النظام
يااااا ايه دا كله الناس كتير قوي ولا مدرسة أبو قتادة ياعم

شكري الحساس : ممكن تدخل شويه يا مان
فوزي : حاضر
شكري الحساس : بقلك أيه أستاذ مين الي جي دلوقتي
فوزي : مش أسمه أستاذ أسمه دكتور ( محمد غريب)
شكري الحساس : ما غريب إلا الشوشو . شكلك لذيذ يا مان أسمك أيه
فوزي : أسمي فوزي
شكري الحساس: طيب يا فوزا بقلك أيه قول للأنسة الي جنبك تدخل شويه على كدا أنا في الحضيض وهاقع

شكري الحساس: يا عثل بقلك أيه أدخلي شويه كدا ينوبك ثواب الله يكرمك
نجوى : عثل أيه ما تحترم نفسك على الصبح
شكري الحساس: حد جيه جنبك وبعد كدا خليك زبده كدا وأدخلي يعني مش أول يوم شغل بتوع المدارس ( قال يعني هو شكله جامعي وعارف كله حاجه)

أثناء المحاضرة

شكري الحساس: يا بس بس يا بس ( قاعده جنبه قطه ولا أيه )
نجوى :حضرتك بتقلي بس
شكري الحساس: أه يعني نقول عثل مش نافع بس مش نافع أعمل أيه في زماره أزمر بيها يعني

نجوى: هي ناقصه أستظراف على الصبح . حضرتك عايز أيه
شكري الحساس : ورق وقلم . وكامن ياريت تحسني خطك علشان أعرف أنقل منك
نجوى : أيه ياربي التناحه الي في أول يوم صبرني . أتفضل الورقه والقلم . وياريت حضرتك تسكت علشان أعرف أكتب
شكري الحساس : متزقيش طيب هاتزلينا علشان الورقه خد ي تمنهم
بقلك أيه يا أنثه ( تعليم مجاني)
هو الدكتور دا يعني بيدي ماده أيه
نجوى : دا كله مش تعرف بيدي أيه , محاسبة حضرتك وممكن أكتب
شكري الحساس: طيب خلاص براحه ( العالم دي معندهاش دم بردو مش راضي يسكت )

بعد المحاضرة

شكري الحساس: بقلك أيه ممكن بس أكمل باقي المحاضرة
نجوى : أتفضل
شكري الحساس: يارب منحرم منك ويكرمك دنيا واخره وينولك الي في بالك ( قاعد على باب السيدة )
نجوى : مرسي
شكري الحساس: معرفيش مرسي ممكن عباس أخوه دا صحبي الروح بالروح
نجوى : الله ما طولك يا روح
مالك كدا قرفانه مني لو مش عايزاني اكتب خلاص هاكتب ( أيه الرخامه دي )بقلك أيه مش هانتعرف بقى أنا شكري شاكر وحضرتك

نجوى : ياريت حضرتك تكتب علشان عايزه كشكول المحاضرات ( كسفه جامده بس الناس دي مش بيحوق فيها حاجه )

شكري الحساس: أهلا وسهلا أسم حضرتك جميل عاشت الأسامي بس ياريت تحسني خطك شويه علشان بعد كدا أعرف أنقل منك (معندوش دم دا ولا أيه )
نجوى : صبرني يارب على ما بلتني على الصبح
شكري الحساس: شكلك اجتماعية وبتحبي الناس وخدومه ولسه لما أعرفك أكتر أكيد هاغير رأي للأحسن

أتفضلي الكشكول يارب ما أنحرم منك
هاشوفك بكره أن شاء الله في المحاضرة أبقى أحجزلي مكان جنبك

نجوى : بعد اذن حضرتك
شكري الحساس : سلام يا تميل ( مش جميل ) أشوفك بكره سلامشكوه ( دا على اساس سلام شكري بيدلع نفسه شكوه )

يارب تعجبكمـ

من طرف **temo** الأربعاء أبريل 01, 2009 11:52 pm

جاةده مووووووووووووت يا اسلام وبجد انا هلكت من الضحك

من طرف **Hero** الخميس أبريل 02, 2009 12:33 am

شكراااااا ياحمادة على الرد الجميل

من طرف **Hero** الأحد أبريل 05, 2009 5:40 am

انا مش شايف حد بيرد على موضوعى هو مش عجبكوا ولا ايه
طب هكتبلكو الجزء الثانى يمكن يعجبكوا
شكرى دخل المحضرة لقى الدكتور موجود
شكرى فى سره:- هو ايه اللى جاب الراجل ده مغبش ليه
الدكتور :- انت ايه اللى اخرك عن معاد المحاضرة
شكرى :- انا متاخرتش انا جيت فى معادى حته بظ فى الساعة ( اخرتها بيقول بظ مش بص)مش مشكله
الدكتور بص فى الساعة لقاها 12:15
الدكتور :- انت متاخر ربع ساعة على المحاضرة
شكرى :- تلاقى سعتك هى اللى مقدمه
انا ممكن اشتريلك وحده جديد
الدكتور :- طب خش اقعد
دخل شكرى يقعد
شكرى :- نجوى زميلة الدراسة ممكن تتخرى
نجوى :- ياربى هو انا عملت حاجه وحشة فى حياتى عشان تبتلينى بالبلوة ديه
الدكتور قاعد يشرح وشكرى قاعد يرخم على كل اللى جنبه
الدكتور:- حد فيكم ممكن يقلى ايه هى نظرية هرم الحاجات
شكرى رفع ايده ونجوى مش مصدقة
الدكتور :- ايوه انت يلى هناك جاوب
شكرى :- اه متقليش ده مفيش حد زار الهرم ادى ده انا اتولدت هناك واعرف كل احتياجاته
ده حتى انا امبارح كنت فيه
الدكتور :- هرم ايه يبنى اللى انت بتقول عليه انا بتكلم فى علم النفس
شكرى :- هو فى احلى من النفس فى الهرم دنتى ممكن تتنفس برحتك هناك
الدكتور :- تعلالى هنا
نجوى:- هيييه اخيراااا هخلص منه
الدكتور :- اسمك ايه
شكرى :- انا
الدكتور :- لا انا
شكرى بصوت واطى :- لا حول ولا قوة الا بالله ده الراجل مش فاكر اسمه حتى
بقى هو ده اللى هيدرسلنا
الدكتور :- بتقول ايه
شكرى :- ولا حاجة يا باشا
الدكتور :- باشا !!!!بقلك اسمك ايه
شكرى :- شكرى شاكر
اقلك حاجه يا دوك البدلة هتاكول منك حته انت مفصلها ولا شريها
الدكتور :- انت مينفعش معاك الا العين الحمره
هات كرنيهاك
شكرى :- ايه الكرنيه ده ديه حاجه فى المقرر
انا معايا كرت ميناتيل ينفع
الدكتور :- كمان مش عارف كرنية الجامعه امال دخلت ازاى
شكرى :- نطيت من على السور طبعاااا
الدكتور :- اطلع برااااااااااااااااااااااااااااااااااااااااااااااااااااا
شكرى :- ايه ده هو هيتحول ولا ايه فلسع يلاااااااااااااااا
وطيران شكرى على براااااااااااااا
مستنى ردودكم

من طرف **احمد ميدو** الجمعة أبريل 10, 2009 12:06 am

الموضوع جميل جدا يا hero
وتلاقيك انت شكرى ايلى كان بيرخم على البنت

اااااااااالف شكر ا على الموضوع ده

شكرى الحساس دخل الجامعة يا ناس

شكرى الحساس دخل الجامعة يا ناس

رد: شكرى الحساس دخل الجامعة يا ناس

رد: شكرى الحساس دخل الجامعة يا ناس

الجزء الثانى من شكرى الحساس

رد: شكرى الحساس دخل الجامعة يا ناس

رد: شكرى الحساس دخل الجامعة يا ناس