نكت لذيذة

من طرف **Hero** الإثنين يوليو 20, 2009 5:58 pm

واحدة بتقول لجوزها ادبح خروفين بمناسبة مرور 25 سنه على زواجنا
رد جوزها وإيه ذنب الخروفين في غلطه ارتكبتها من 25 سنه
-------------------------------------------------

صعيدي ماشي في الشارع لقى قشرة موز ... قال ييييه حتزحلق تاني
.................................................. ...............................

صعيدي بيدهن الحيطة

قالوله حط جرنال تحتيك
قالهم لأ أنا كده طايل كويس
.................................................. ...............................
كان فيه بطة كل يوم تروح للبقال تقوله عندك سكر
يقولها لأ
اخر مرة قالها لو جيتي هنا تاني حأمسمر رجليكي المفرطحة دي في الأرض
تاني يوم راحت قالتله عندك مسامير ؟
قالها لأ
قالتله طب عندك سكر ؟؟
.................................................. ............................

مسطول ماشي في البيت خبط في أمه .. قالتله ايه ما شفتنيش

قالها شفتك بس مش فاكر فين

.................................................. ...........................

واحد مسطول ماشى فى الشارع قابل واحد قاله ازيك يا محمد انت اتغيرت اوى يا محمد عنيك ووشك وشكلك اتغير قوى يا محمد رد عليه وقاله انا مش محمد قاله ياه وكمان غيرت اسمك

.................................................. ................

مره واحد بخيل قوى خبط فى حيطه اتعور جامد اوى وقعد ينزف شافه واحد عسكرى قاله اشوفلك دكتور قاله لا شوفلى حد يشترى الدم اللى نازل دا

.................................................. ..............

مرة واحدة قالت لحبيبها البخيل(اكلها معاك بدقة اعيش معاك فى جحر)راح قال انتى ليه مادية قوى كدة يا حبيبتى

.................................................. ..............

مره واحد ترزى ماشى فى حتة مقطوعه راح مخيطها

.................................................. ...............

اتنين مساطيل واحد وقع في خزان الميه التاني راح استناه عند الحنفيه

.................................................. ..................

دكتور بيطري بيقول لمراته انا بهيم في حبك قالتله وانا ماقدرش ارفسلك طلب

.................................................. ...................

مسطول في قاعة الإمتحان مش عارف يحل والإمتحان كله صح و غلط
راح مطلع بريزه ولعب ملك وكتابة على الإمتحان خلص الإمتحان في نص ساعة
وهو خارج طلع البريزة تاني وشغال ملك وكتابة
صاحبه مسطول بيسأله : بتعمل ايه .. ما خلاص
!! قال سيبني .. بتأكد من الاجوبة

.................................................. ..................

مرة فيه سمكة غبية اوى ماتت غرقانة

.................................................. ..................

واحدة بتقول لجوزها بكرة حنبقى تلاتة قالها انتى حامل قالتله لا ماما جايه تقعد معانا
__________________
يارب ، الق على العيون الساهرة نعاسا امنا منك
و على النفوس المضطربة سكينة و امنا
و اهد حيارى البصائر إلى نورك ، و ضلال المناهج إلى صراطك ، و الزائغين عن السبيل إلى هداك
اللهم اذهب عنا الحزن و ازل عنا الهم و اطرد من نفوسنا القلق
نعوذبك من الخوف إلا منك و الركون إلا إليك و التوكل إلا عليك و الإستعانة إلا بك
انت ولينا نعم المولى و نعم النصير
اللهم ارضنى بقضائك حتى أعلم أنه ما أصابنى لم يكن ليخطئنى
و ما أخطأنى لم يكن ليصيبنى