مكلمه بين عمرو دياب و تامر حسنى

ملاحظ فى الفترة الاخيرة وجود صراع جامد بين نجم الجيل تامر حسنى والاسطورة عمرو دياب مع انى مش شايف اى وجة شبة للمقارنة بنهم وكل واحد تاريخة بيتكلم عنة

المهم

دي مكالمة تليفونية اتخيل حدوثها بين النجمين الكبيرين ولاحظو اسماء اغنياتهم فيما بين الاقواس ويا رب تعجبكم



تامر : أزيك يا كبير <<طمني>> انت عامل ايه << آه م الفراق >> الواحد من زمان مشفكش يا راجل

عمرو: كويس الحمد لله << حلوة الأيام >>

تامر : أيه اخر اخبار البومك يا هضبة قولي كدة << بينك وبيني >>

عمرو طبعا مش قاله << مالك >> ولا قله << يهمك ف ايه >> لكن قاله
: البومي هيكسر الدنيا اصل انا << بقدم قلبي >> للجمهور

تامر : ايوة كدة يا كبير مستنينك بفارغ الصبر

عمرو: وانت يا تيمو محضر ايه للجمهور ؟؟

تامر : والله يا اسطورة محضر حاجة كدة انشاء الله تعجب الجمهور وطبعا مستني رأيك دة انت الخير والبركة وانا << مليش بعدك >>
عمرو: الله يخليك يا تيمو... بس قولي هو << انت مشيت >> و << بعدت ليه>> عن شركة فري ميوزك

تامر: والله يا كبير انا << مكنتش ناوي >> بس الظروف حكمت

عمرو: انا سمعت كدة ان كان في مشاكل بينك وبين الاستاذ نصر محروس

تامر : كان فيه فعلا حبة مشاكل بسيطة بس اتحلت وبقينا زي الفل بس الصحافة بتزود المواضيع مانتا عارف ان الصحافة << تاعبة كل الناس >>
دول كمان قالوا يا هضبة ان انا وانت بنكره بعض وان الهضبة بيكره تامر وعاوز يدمره بس انا رديت وقلت لأ الهضبة ميعملش كدة دة استاذي وملكوش دعوة بيه و << كله الا حبيبي >>عمرو : هو دة العشم يا تيمو و<< الله علي حبك انت >>

تامر : عاوزين نبقي نشوف بعض يا كبير دة<< عيني وانا شايفك>> بالدنيا وما فيها

عمرو : الله يخليك يا حبيب قلبي هبقي اكلمك اهنيك علي نجاح البومك انشاء الله

تامر : الف شكر وانا طبعا << رسمي فهمي نظمي >> هتصل بيك اهنيك علي النجاح الساحق انشاء الله

عمرو : مع السلامة

تامر : الله يسلمك مع السلامة
..............................................