يالااا انت نجحت !!!!!!!!!!!!!
2 مشترك
صفحة 1 من اصل 1
يالااا انت نجحت !!!!!!!!!!!!!
من شويه واحد صاحبى كلمنى على الفون (على فكره الساعه دلوقت 7 و نص الصبح )
بس بيس يعنى
و دار بينا الحوار اللى هتشوفوه ده بس انا لعبت فى الحوار شويه على اساس اننا بقينا فى سنه رابعه و نتيجتى انا و صاحبى طلعت
اسيبكم مع الفون
بس بيس يعنى
و دار بينا الحوار اللى هتشوفوه ده بس انا لعبت فى الحوار شويه على اساس اننا بقينا فى سنه رابعه و نتيجتى انا و صاحبى طلعت
اسيبكم مع الفون
تررررررن تررررررررن تررررررررررن
الام : الو
هشام : الو..... ازيك يا طنط عامله ايه
الام : الحمد لله و انته عامل ايه يا ابنى
هشام: تمام الحمد لله ممكن اكلم اسلام
الام : و الله اسلام نايم دلوقتى بس لو فى حاجه ضرورى ممكن اقولهالو .....
و لا تحب اصحيهولك؟؟
هشام : ياريت يا طنط تصحيه معلش يعنى
الام : حاضر يا بنى
يا اسلام انت يابنى كلم صحبك هشام على التليفون
اسلام (ده المفروض انا يا حضرات) : حاضر يا امى انا كونت قايم اصلا
اسلام: الو ........... مين معايا
هشام : كونداليزا رايس
اسلام : يا بنت الايه و مال صوتك احلوكده ليه
هشام : يا عم انا هشام انته هاتستظرف على الصبح
اسلام : بس احنا المغرب دلوقتى يا اتش
هشام : تصدق يلا انا جزمه اصلا ان انا اتصلت بيك علشان اقولك انك اتزفت نجحت
اسلام : طيب ما انا عارف
هشام : عارف ايه ..... عارف انك نجحت
اسلام : لا ...عارف انك جزمه
هشام : ايوه يا عم هزر هزر ما هو الناجح يرفع ايدو
اسلام : اشمعنه
هشام : انته هاتخشلى قافيه
اسلام :خلاص يا عم .... المهم التقدير ....هاه التقدير ايه
هشام : مش فاهمك الحقيقه ....ممكن توضحلى النقطه دى
اسلام : بقولك التقدير انا جبت تقدير ايه
هشام : يا عم انته هاتعيش دا انته لولا درجات الرافه كانت بقت تالت سنه ليك فى رابعه
اسلام : يا عم انته هاتزلنى
هشام : عم ايه انته شايفنى واقف تحت بيتكم مشلح الجلابيه و بقول مسكره يا جوافه
اسلام: مكنتش اعرف ياض ان كليتنا بطلع ناس بالمرح و الخفه دى كلها
هشام : يلا معلش عيد الام بقه
اسلام : بلا عيد الام بلا عيد العمال المهم انت عملت ايه
هشام : انا الحمد لله طلعت بجيد
اسلام : و هو احنا عندنا ماده اسمها جيد...لا حول و لا قوه الا بالله ..يلا ربنا معاك يا اتش
هشام : يخرب بيت الزفت الى بتشربو ومطينلك دماغك ده انا جبت تقدير جيد ياض
اسلام : طيب كويس ربنا يوفقك و مقبول من جيد مش هاتفرق
هشام : على رايك
اسلام: هاه هانعمل ايه دلوقتى
هشام : الحقيقه مش عارف ....محتار بين بيض بالبسطرمه و فول بالسجق
اسلام : يا راجل .... مش تقول انك محتار كده
انا اقولك بص انته تعمل عبيط
هشام : خلااااااااااص يا عم انا اسف
اسلام : اسفك مش مقبول .. اسفك جيد جدا
.بس بجد هانعمل ايه بعد ما اخدنا البكالوريوس
هشام : هانبدا بقه رحلت البحث على شغل كويس علشان ناكل عيش
اسلام :و انتو معندكوش عيش فى البيت و لا ايه
هشام :لا معندناش و مين قالك ان احنا معندناش
اسلام : لا ابدا جالى هاتف
هشام : و جبتو على كام
اسلام: لا هو اتمختر و جالى لوحدو
هشام : بس انا بجد مخنوق اوى من حكايه الشغل دى يا دوحه
اسلام : هـــــــه .....يارب
هشام : يارب ياعم .. بس انته عارف الوسايط و الكلام ده مالى البلد
اسلام : تحيا جمهوريه مصر العربيه يا عم
ماتخفش يا عم ربنا هايفرجها انشاء الله
هشام : و الله ياض ان لولا كلامنا و تهريجنا مع بعض فى بلدنا دى كان الحال رسى بينا على حاجتين
يا اما كنا ولعنا فى نفسنا
يا اما كان اتولع فينا
اسلام : يا عم هيس تعيش كويس
هشام : قشطه يا بوب و ناوى تعمل ايه دلوقت
اسلام : هقضيها فساد
هشام : قشطه شكلك هتكمل نوم صح ؟!
اسلام : حافظنى ياض و الله انت برنس
هشام : يا عم انت اللى بوب روح غور بقى و نام و اشوف وشك بكره
اسلام : يلا فى ستين داهيه يا صاحبى
هشام : الله يحرقك يا حبى تصبح على ستين نيله
اسلام : و انت من اهله الفقر
ارجو انت تكون عجبتكم
اخوكو هيروووو
Hero- مدير ابطال العرب
رد: يالااا انت نجحت !!!!!!!!!!!!!
هههههههههههههههههههههههههه جامده اوى بس ايه الصداقه الجامده دى
وبعدين ليه ام الياس ده جليكوا متفاقلين شويه
وبعدين ليه ام الياس ده جليكوا متفاقلين شويه
temo- مشرف عام
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى