الحب الجزء الاول

السلام عليكم ورحمه وبركاته...

ساتكلم بما فيه قلبي ولكن فليعذرني الجميع لانني بديت بالقصه مباشر ويعلم الله انها من قلب يحترق





كنت في يوم من الاياام ذاهب الى احدى المنتزهات في مدينه الرياض



وانا على الطريق فانذهلت من شده النظر والا امامي حااادث سير فقلت في نفسي



وش هذا وانا انزل من سيارتي واشوف الناس واقفين ومتفرجين الا كلهم بحاله وفاه فقط ماتبقى



من العائله الا طفل وبنت في عز شبابهاا وقاعدين ينتظرون الاسعاف قلت حرام عليكم الاسعاف متى راح يجي واخذهم معي بالسياره فقالو تراك انت المسؤال لاتبلش نفسك في شيء انت



في غنى عنه ولا رديت عليهم وذهبت بهم الى الطواري ويعلم الله اني كنت مسرع مره مره



المهم دخلوهم المستشفى وعلى العنايه المركزه فقلت للدكتور كيف قال مانقدر نقول شيء



الان اهم شيء جيب التقرير للحادث لابد واحنا بنسوي اللازم



ومن رجعت نفس الموقع اشوف الجهات الامنيه فقلت لهم عن اللي صاار



قالو طيب احنا شفنااا جواز سفرهم وهم من دوله قطر قلت طيب كيف وش نسوي قالو راح



نتخذ الاجراء اللازم قلت تكفى المستشفى طالبين تقرير للحادث قالو احنا راح نتوجه



للمستشفى قلت ماقصرتوو



والله اني كنت ماشوف غير عرق جبيني من شده الرهبه والخوف لاني اول مره اشوف حادث



سير بهاذي البشااعه



وارجع للمشفى واسئل الدكتور قال حالتهم خطره ولابد يستمرون بالعنايه وهم الان بغيبوبه



قلت في نفسي اللهم طول في اعمارهم ياارب وربي ماكسر خاطري غير الطفله والبنت اللي



في عز شبابهاا فرجعت للبيت وعائلتي مستغربين تصرفاتي قالو خالد وش صار عليك انا قلت



ابنام قالو انت شارب شيء مسوي شيء غلط قلت لا واقفل الغرفه والله والله ماقدرت انام افكر



وش راح يسير عليهم واهلهم متوفين وكيف راح اخبرهم فقلت في نفسي اللهم سهل الامور



فجاء اليوم التالي الا نفس الحال ولافي شيء تغير واستمريت حوالي اربع شهور وانا رايح راد



الا جاني اتصال من الدكتور خالد قلت ايه قال ابشرك اليوم صحت البنت من الغيبوبه باقي الطفل



قلت الله يبشرك بالخير الله يووفقك يارب وروح ركض والله اني طلعت بدون سياره هههههههه



قلت وش صار فيني واشغل سيارتي واروح واصل قال الغرفه رقم كذا كذا قلت ابروح قال ماتقدر



لابد يكون معك محرم فقلت اطلبه وهي راح تكون متغطيه قال يسير خير



وانتظر ساعه !!! وينه الدكتور



ومن اتى الدكتور قال خالد تعال معي ويدخلني الا اشوف هالبنت الوجه بريء ولبسه حجاب



اسلامي قال الدكتور اعرفك على خالد هذا الولد ماقصر والله يكثر من امثاله تخيلي اسعفكم



وقعد اربع شهور وزياارته بشكل يومي قالت الله يووفقك ويبشرك بالجنه قالت خالد انت مارديت



كنت مندهش بالمره قلت هاه هاه نعم امري ؟ قالت اهلي وينهم قلت وش نعم ايه ايه



اهليك بخير ان شاءالله قالت لا اهلي ماتو قولي عايدي قولي امانه وش فيهم قولي واللي يسلمك



قلت الله يرحمهم هذا يومهم والمهم انك عشتي والصغنون بيطلع بالسلامه قالت قالي الدكتور



وتبكي وتصيح وقاعد اهديها انا والدكتور قال الدكتور خالد اطلع خلها ترتاح قلت اقول اختي اجيبلك معي شيء بعد ساعتين



قالت مابي الا سلامتك بس لاتخليني انا واخوي ترى مالنا بالسعوديه الا انتم قلت ولو لو ماشالتكم السعوديه تشيلكم عيوني



قالت شكرا



وانا راجع صرت افكر فيهاا وفي ملامحهاا الجميله ويعلم الله مع هالحادث الا فيها ملامح حلووه





غداااا راح اكملكم القصه لان الصفحه ماكفت بالاضاافه